تقاسم الرابور المغربي زكرياء بناجي، المعروف فنيا “بالبنج”، مع متابعيه عبر حسابه بموقع تبادل الصور والفيديوهات إنستغرام صورة والدته الراحلة.
وعلق البنج على الصورة :”السلام عليكم ورحمة الله اليوم مرت 9 سنوات على فقدان إنسانة وهبتني الحياة . و عطاتها طعم رغم جميع العراقيل والمشاكل. إنسانة منقدرش نوصف التضحيات لي دارتهم على قبلي و على قبل بزاف ديال الناس . والمقابل كان هو تسهيل حياتي و حياة الآخرين. انسانة اللي على قبلها صبروا عليا بزاف ديال الناس وخا تماديت معاهم فالغلط حيت الخير ديالها كان غالب على الشر ديالي مع الآخرين “.
وتابع الفنان متأثرا :”إنسانة ماكانتش كاتسولني مالي ولا اش بيا ولا اش خاصني كانت كاتعرف كلشي من عيني بلام ندوي بصح الدنيا تعطي و تاخد و كلشي كايتعوض … و انا خسرت بيما فيه الكفاية والحمد لله . مانعترضش على قضاء الله ولكن (فاطمة) منها وحدة فالكون. مشات و jamais تولي”.
واسترسل الأخير كلامه :”9 السنوات اخوتي 9 سنوات. دوزت فيها بزاف (الفقر ، الفلوس ، العز ، الخنز ، الغدر والخير اللي رجع شر…. ) كان ف امكاني نكون انسان فاشل و نمشي مع الموجة و معلاباليش ولكن لا لا ثم لا حرام نضيع مجهود أعظم و أطهر و أطيب انسانة فالعالم اللي كان هدفها فالحياة غير كلشي يكون مزيان .عرفت بزاف تاع الناس الزوينين و حتى الخايبين واللي شاط لي منهم هو تجارب ضروني و ذكريات كيفرحوني مرة مرة” .
واختتم الرابور كلامه :”الحصول اللي باقة الأم ديالو فالحياة اتهلا فيها بزاف . و اللي بحالي ليه الله”.
