أثار الفنان المصري تامر حسني، الجدل عبر مواقع التواصل الاجتماعي في الساعات القليلة الماضية، وذلك من خلال أخر منشور له عبر حسابه بموقع تبادل الصور والفيديوهات إنستغرام، والذي تحدث فيه عن طليقته الفنانة المغربية بسمة بوسيل.
وكتب الفنان :”ملاحظ أن في بعض التعليقات كل ما أنزل موضوع أغنية أو هزار بعض الناس بيربطوه بحياتي الشخصية، ده غلط يا جماعة”.
وتابع تامر :”أولا: مش أنا اللي ممكن أعمل كده رغم الظروف الحالية، ما زلت أكن لبسمة كل الحب والاحترام ده غير أن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدا دلوقتي ولو طلبت عينيا مش هتأخر”.
واسترسل الأخير :”تاني حاجة أنا بحب الهزار معاكم دايما من يوم طلوعي لو في أغنية أو نكتة حلوة أو إفية حضر في دماغي أنا على طبيعتي معاكم”.
واختتم قوله :”ثالث حاجة الفنان الحقيقي اللي يعبر عن مشاعر كل الناس في كل حالاتهم يعني أنا بفرح لما بلاقي أغانيا بتغنوها وإحساسها واصلكم لإني بتعب عشان أكتب الكلام اللي نفسكم تقولوه أنتوا.. ده لسه في أغاني توجع أوي نازلة قريب إن شاء الله.. كده مش هنزلها”.
وأثار الفنان المصري تامر حسني شك متابعيه حول عودة علاقته بطليقته الفنانة المغربية بسمة بوسيل إلى مجاريها، بعد إعلانهم طلاقهم في الأشهر القليلة الماضية.
